Health and computer

Thursday, 21 October 2010

டிஜிட்டல் இமேஜ் குறித்த அடிப்படைத் தகவல்கள்.

டிஜிட்டல் இமேஜ் குறித்த அடிப்படைத்  தகவல்கள்.

















பெரிய அளவிலான பேனர்களை நாட்கணக்கில் நாற்பது பேர் தயார் செய்தது எல்லாம்
 பழங்கதையாய் மாறிவிட்டன. இன்று
 அனைத்தும் கம்ப்யூட்டர் வழி ஏற்படுத்தப்படும்
 டிஜிட்டல் தொழிற்சாலைகளில் உருவாகி
 பிரமிப்பை ஏற்படுத்துகின்றன.


எல்லாமே டிஜிட்டல் மயமாகிப் போன பின்னர்
 போட்டோக்கள், படங்கள், கிராபிக்ஸ்
 டிசைன்கள் ஆகிய அனைத்தையும் டிஜிட்டல்
 சாதனங்கள் துணை கொண்டு அதிக பட்சம்
 அழகாகவும் பொருள் செறிந்ததாகவும்
 மாற்றுவது எளிதாக மாறிவிட்டது. சித்திரங்கள்
 வரைவது அந்தக் காலம். போட்டோக்கள்
 எடுத்து அதன் மீது கரங்களால் டச் அப்
 செய்வது என்றோ முடிந்த கதை.

  இன்று அனைத்தும் கம்ப்யூட்டர் வழி
 ஏற்படுத்தப்படும் டிஜிட்டல் தொழிற்சாலைகளில்
 உருவாகி பிரமிப்பை ஏற்படுத்துகின்றன.
 அவற்றின் அடிப்படைகளை இங்கு காணலாம்.
 முதலில் கம்ப்யூட்டரில் படங்கள் எந்த எந்த
 வடிவில் உருவாக்கப்படுகின்றன என்று
 பார்க்கலாம்.


1. பி.எம்.பி. (BMP Bit Map) பைல் பார்மட்டாகும்.

 இது முன்னாலேயே வரையறை செய்யப்பட்ட
 வகையில் உருவாக்கப்படும் பார்மட். இந்த
 வகையிலான பார்மட் படம் எப்படி டிஸ்பிளே
 செய்யப்படுகிறது என்பதன் அடிப்படையில்
 அல்லாமல் படத்திற்கேற்ற வகையில் பிக்ஸெல்
 மற்றும் கலர் ஆழம் அமைக்கப்படுகிறது.
 இதனால் பல்வேறு தன்மைகளில் இது
 உருவாகிறது. இதன் அனுகூலம் என்னவென்றால்
 இதனைப் பல சாப்ட்வேர் தொகுப்புகளில் நம்
 விருப்பப்படி பயன்படுத்தலாம்.


2. JPG (Joint Photographic Expert Group) என்பது

 இரண்டாவது வகை. கிராபிக் டேட்டா மற்றும்
 படங்களை டிஜிட்டல் நெட்வொர்க்குகளில்
 பரிமாறுவதை முதன்மை நோக்கமாகக் கொண்டு
 வடிவமைக்கப்பட்ட பார்மட். இதற்கு முந்தைய
 பி.எம்.பி. மற்றும் டிப் (TIFF) ஆகிய பார்மட்டில்
 அமைந்த படங்கள் கொண்ட பைல்களை கம்ப்ரஸ்
 செய்திடுகையில் டேட்டாவை சிறிது இழக்க
 நேரிடும். ஆனால் ஜேபெக் பைல் பார்மட்டில்
 இழப்பு ஏற்படாது. எனவே நெட்வொர்க்கிங்கில்
 பைல் பரிமாற்றத்திற்கு மிக மிக ஏற்ற பார்மட்டாக
 இன்றும் இது கருதப்படுகிறது. ஜேபெக்
 இமேஜ்களை மீண்டும் மேம்படுத்த முடியாது.


3. GIF (Graphics Image Format): Compuserv Inc நிறுவனத்தால் இன்டர்நெட் தளங்களை
 மையப்படுத்தி அமைக்கப்பட்ட பார்மட். படங்களை
 இன்டர்நெட் தளங்களில் புகுத்துவதற்கு படங்கள்
 இந்த பார்மட்டில் இருப்பது வேலையை
 எளிதாக்கும். இதனை கம்ப்ரெஸ்
 செய்திடுகையிலும் டேட்டா இழப்பு நேரிடாது.
 பெரிய அளவிலான இமேஜ் பைல்களுக்கு இந்த
 பார்மட் உகந்தது.

4. PCX பார்மட்: பயன்படுத்த மிகவும் வகையான
 இமேஜ் பார்மட். முதலில் டாஸ் இயக்கத்தில்
 இயங்கிய பி.சி. பெயிண்ட் பிரஷ் என்னும்
 சாப்ட்வேர் தொகுப்புக்கென இந்த பார்மட்
 உருவானது. பின்னர் மைக்ரோசாப்ட் நிறுவனம்
 இதன் உரிமையை வாங்கி விண்டோஸ் போன்ற
 சாப்ட்வேர்களுக்கும் இதனை மாற்றியது. கிராபிக்
 டேட்டாவை பாதுகாத்து வைத்திடவும்
 டெஸ்க்டாப் பப்ளிஷிங் சிஸ்டத்தில்
 பயன்படுத்தவும் இந்த பார்மட் உகந்தது.


5. TIFF (Tagged Image File Format): ஆல்டஸ்

 நிறுவனத்தின் தலைமையில் சில நிறுவனங்கள்
 சேர்ந்து இந்த பைல் பார்மட்டை உருவாக்கின
 டெஸ்க் டாப் பப்ளிஷிங் சிஸ்டத்தில் கலர்
 மற்றும் கிரே வண்ணத்திலான படங்களைக்
 காட்ட இந்த பார்மட் பயன்படுகிறது.


6.  PNG: இந்த பார்மட் அண்மைக் காலத்திய

 வடிவமைப்பு. நெட்வொர்க் இணைப்புகளில்
 பயன்படுத்த உகந்தது. இதனைக் கம்ப்ரஸ்
 செய்திடுகையில் டேட்டா இழப்பு ஏற்படாது.


7. WMF: விண்டோஸ் அல்லாத

 அப்ளிகேஷன்களால் விண்டோஸ்
 அப்ளிகேஷன்களுடன் தகவல் பரிமாற்றத்திற்கு
 இந்த பார்மட் பயன்படுகிறது. எனவே இது ஒரு
 பொதுவான பார்மட்டாகக் கருதப்படுகிறது. இது
 அனைத்து வகையான ஆப்பரேட்டிங்
 சிஸ்டங்களிலும் பயன்படுத்தப்படுகிறது. படங்கள்
 பரிமாற்றம்: படங்கள் உருவானவுடன் அவற்றிற்கு
 பொலிவு சேர்க்க கம்ப்யூட்டருக்கு மாற்றப்பட
 வேண்டும். முதலில் படங்களை உருவாக்கும்
 சாதனங்களைப் பார்க்கலாம். டிஜிட்டல் கேமரா
 அந்த வகையில் முதல் இடம் பெறுகிறது. ஒளித்
 தூண்டுதல்களுக்கு உள்ளாகக் கூடிய
 சென்சார்களில் படங்களைப் பதிக்கும்
 வேலையை டிஜிட்டல் கேமரா மேற்கொள்கிறது.


இந்த சென்ஸாரின் அளவு, லென்ஸின் தன்மை,
 பிக்ஸெல் அமைப்பு ஆகிய மூன்று தான்
 அடிப்படையில் இமேஜ் ஒன்றின் தன்மையை
 உருவாக்குகின்றன. இப்படி உருவாக்கப்படும்
 டிஜிட்டல் படங்களை கம்ப்யூட்டர், பிரிண்டர்
 மற்றும் பிற சாதனங்களுக்கு மாற்றுவதற்கு
 யு.எஸ்.பி. டிரைவ்ஜ் போன்ற பல டிஜிட்டல்
 சாதனங்கள் இருக்கின்றன. இவற்றின் மூலம்
 மேலே குறிப்பிட்ட பார்மட்டில் அமைந்த படங்கள்
 மாற்றப்படுகின்றன. இவை அனைத்திலும் PTP
 Picture Transfer Protocol என்னும் வழி
 பின்பற்றப்படுகிறது.



படங்களை உருவாக்கி தருவதில் ஸ்கேனர்களும்

 பயன்படுகின்றன. படங்கள், அச்சடிக்கப்பட்ட
 டெக்ஸ்ட் அல்லது கையெழுத்துப் பிரதி அல்லது
 ஒரு ஆப்ஜெக்ட் (நகையணி) போன்றவற்றை
 அலசிப் பார்த்து டிஜிட்டல் இமேஜ் பார்மட்டில்
 தரும் வேலையை ஸ்கேனர்கள்
 மேற்கொள்கின்றன. இந்த படங்களும் மேலே
 கூறப்பட்ட பார்மட்டுகளில் டிஜிட்டல் இமேஜ்களை
 அளிக்கின்றன. இவ்வாறு உருவாக்கப்பட்ட
 டிஜிட்டல் இமேஜ்களைக் கம்ப்யூட்டருக்கு
 மாற்றியபின் அவற்றைச் சரி செய்து
 பொலிவூட்டும் பணி கம்ப்யூட்டரில்
 நடைபெறுகிறது. இதற்கான பல்வேறு
 நடவடிக்கைகளை இங்கு காணலாம். இவ்வகைப்
 பணிகளுக்குப் பல சாப்ட்வேர் அப்ளிகேஷன்கள்
 இருந்தாலும் அனைத்திற்கும் முதன்மையாய்
 அனைத்து வசதிகளும் கொண்டு இயங்குவது
 அடோப் போட்டோ ஷாப் சாப்ட்வேர்
 தொகுப்புதான்.


1. கிராப்பிங்: (Cropping): ஒரு டிஜிட்டல் இமேஜை

 வலுப்படுத்தவும் குறிப்பிட்ட நிலைக்கு
 முக்கியத்துவம் அளித்திடும் நோக்கத்துடன்
 தேவையற்ற பகுதிகளை நீக்குதலே கிராப்பிங்
 ஆகும்.


2. ரீசைஸிங்: (Resizing)  இமேஜின் உயரம், அகலம்

 மற்றும் அதனை உருவாக்கியவற்றின் விகித
 நிலையை மாற்றி அமைத்தலே ரீசைஸிங்
 பணியாகும்.


3. ரொடேட்டிங்: (Rotating) இது இமேஜை சுழற்றி

 வைத்திடும் பணியாகும். இது முழு படத்தையும்
 சுழற்றும். தனி ஒரு லேயரை மட்டும் எடுத்துக்
 கொள்ளாது.


4. இமேஜ் வண்ணங்கள்: பல வகையான வண்ணக்

 கலவைகள் வரையறை செய்யப்பட்டுள்ளன. CMYK,
 Lab Color, Bitmap Color, Indexed Color, Duotone Color,
 Multichannel Color என்ற பலவகை வண்ணக்
 கலவைகளை இமேஜ்களில் மேற்கொள்ளலாம்.
 படத்தினை எதற்கு எவ்வாறு பயன்படுத்தப்
 போகிறோம் என்பதே இவற்றைத்
 தீர்மானிக்கின்றன.


5. ரெட் ஐ ரிமூவல்: (Red Eye Removal)டிஜிட்டல்

 போட்டோ எடுக்கையில் பயன்படுத்தப்படும்
 பிளாஷ் கண்களில் பட்டு ஒளி மீண்டும்
 கேமராவை அடையும்போது கண்களின் மீது
 சிகப்பு சிறிய வட்டம் ஏற்படும். இதனை நீக்குவதே
 இந்த பணி. இதனை சில கேமராக்களில்
 முதலிலேயே தடுத்துவிடலாம். இல்லையேல்
 சாப்ட்வேர் தொகுப்பின் துணையுடன்
 எடுத்துவிடலாம்.


6. நாய்ஸ் ரிமூவல் : (Noise Removal) போதுமான

 ஒளி இல்லாத வேளைகளில் படம் எடுக்கும்
 போதும் தூசுகள் அதிகம் எழுந்து வரும்போது
 படம் எடுக்கப் போதும் தெளிவில்லாத படம்
 ஏற்படுகின்றன. இவற்றைச் சரி செய்து
 படங்களுக்குப் பொலிவு ஊட்டுவதனை நாய்ஸ்
 (Noise) ரிமூவல் என்கிறார்கள். இதனையும்
 சாப்ட்வேர் துணை கொண்டு மேற்கொள்ள லாம்.


மேலே சொல்லப்பட்டவை எல்லாம் டிஜிட்டல்

 இமேஜ் குறித்த அடிப்படைத் தகவல்களே. இவை
 குறித்து மேலும் அறிய இந்த இமேஜ் பைல்களைக்
 கையாண்டு அனுபவம் கொள்வதே சிறந்த
 வழியாகும். இணைய த்தில் இந்த பணி குறித்துக்
 கற்றுத் தரும் தளங்கள் நிறைய உள்ளன.


அவற்றில் சில:




1) http://www.tutorialzed.com/tutorials/



2) http://www.photoshoptalent.com/


 

  எனது வலைபூவிற்கு வருகைதந்ததிக்கு நன்றி


பிரியமுடன்


 கருணாகரன்  


Followers

பார்வையாளர்கள்.

twitter

karunaharann.blog

There was an error in this gadget

Popular Posts

பொழுதுபோக்கு – Google செய்திகள்

Blog Archive