தகவல் பரிமாற்றமும் இமெயில் அக்கவுண்டும்.

தகவல் பரிமாற்றமும்  இமெயில் அக்கவுண்டும்.   

 தகவல் பரிமாற்றத்திற்கும் இமெயில்
அக்கவுண்ட் கட்டாயம் நமக்குத்
தேவயாய் உள்ளது. ஆனால் இதில் 
பலரும் தவறு இழைக்கின்றனர். திருத்திக் கொள்ள
வேண்டிய தவறுகளை இங்கு காண்போம்.


1. முதலாவதாக ஒரே ஒரு இமெயில் அக்கவுண்ட்
 வைத்துக் கொண்டு இன்றைய இணையச் சிக்கலில்
மாட்டிக் கொள்ளாதீர்கள். வர்த்தக ரீதியான இமெயில்
 தரும் நிறுவனத்தின் இமெயில் அக்கவுண்ட்டை
பணம் செலுத்திப் பெற் றுள்ளீர்கள் என்று வைத்துக்
கொள்வோம். இதனை உங்கள் வர்த்தகத்திற்
 குப்பயன்படுத்திக் கொண்டிருக்கலாம். உங்கள் அக்கவுண்ட்
 உள்ள சர்வர் பிரச் னையில் மாட்டிக் கொண்டால்
 உங்களுக்கான இமெயில் சேவை கிடைக்காது. ஆனால்
உங்களின் இமெயில் தெரிந்தவர்கள் அதற்கு மட்டுமே
மெயிலை அனுப்பிக் கொண்டிருப்பார்கள். எனவே
 ஒன்றுக்கு மேற்பட்ட இமெயில் அக்கவுண்ட்களை
வெவ்வேறு நிறுவன சர்வர்கள் மூலம் வைத்திருந்தால்
 அவை உங்களுக்கு இது போன்ற சிக்கலான நேரத்தில்
உதவும் அல்லவா? பொதுவாக வர்த்தக பயன்பாட்டிற்கு
 ஒன்றும் உறவினர்கள் மற்றும் நண்பர்களுடனான
பரிமாற்றத்திற்கென ஒன்றும் மற்ற இøணைய
தேடல்களுக்கு ஒன்றுமாக வைத்துக் கொள்வது நல்லது.


2. நீங்கள் வெகு நாட்களாக ஒரு இமெயில் அக்கவுண்ட்
 வைத்திருக்கிறீர்கள் என்பதற்காக அதனையே வைத்துக்
 கொண்டிருக்க வேண்டியதில்லை. ஏனென்றால்
 வெகுநாட்கள் பயன்படுத்திய இமெயில் அக்கவுண்ட்கள்
 ஸ்பாம் மெயில் அனுப்புபவர்கள் வசம் நிச்சயம்
 சிக்கியிருக்கும். எனவே சில ஆண்டுகள் சென்ற பின்னர்
அதனை விடுத்து புதிய அக்கவுண்ட் திறப்பது தான் நல்லது.


3. இமெயில் பயன்பாட்டிலும் சில நடைமுறைகளைப்
 பின்பற்ற வேண்டும். உங்கள் இல்லம் இல்லாமல்
 வெளியே உங்கள் அலுவலகத்திலோ அல்லது
இன்டர்நெட் மையங்களிலோ உங்கள் இமெயில்
அக்கவுண்ட்டினைப் பயன்படுத்துபவராக இருந்தால்
 பயன்பாட்டிற்குப் பின் இமெயில் அக்கவுண்ட் தரும்
சர்வரில் அக்கவுண்ட்டை முறையாக மூடிவிட வேண்டும்.
இல்லையேல் அடுத்து அந்த கம்ப்யூட்டரைப்
பயன்படுத்துபவர்கள் உங்கள் இமெயிலைத் தவறாகப்
 பயன்படுத்தும் வாய்ப்பு ஏற்படலாம். அப்படிப்பட்ட
 சூழ்நிலைகளில் மூடுவது மட்டுமின்றி அந்தக்
 கம்ப்யூட்டரின் கேஷ் மெமரியைக் காலி
 செய்துவிடுவதும் நல்லது.


அத்துடன் ஹிஸ்டரி, பாஸ்வேர்ட் இவை
 எதுவும் இருந்தால் அவற்றையும் கிளியர்
 செய்திட வேண்டும். கேஷ் மெமரியை எப்படி
 கிளியர் செய்வது என்று கேட்கலாம்? இன்டர்நெட்
 எக்ஸ்புளோரரில் Tools, Internet Options சென்று
அங்கு இருக்கும் “Clear History,” “Delete Cookies”
and “Delete Files” என்ற மூன்று பட்டன்களிலும்
கிளிக் செய்து ஓகே கொடுங்கள். பயர் பாக்ஸ்
 தொகுப்பு பயன்படுத்துபவர்கள் என்ற
 Ctrl + Shift + Del மூன்று கீகளையும் ஒரு
 முறை அழுத்தினால் போதும்.


4. எப்போதும் உங்கள் அலுவலகக் கம்ப்யூட்டரில்
உங்கள் இமெயில் செக் செய்திட வேண்டாம். இது
 முறையற்றது மட்டுமின்றி உங்களின் ரகசிய
தகவல்கள் மற்றவருக்கு தெரிந்து போகும்
 வாய்ப்புகள் உண்டு. அத்துடன் தெரிந்து போனால்
வேலை போய்விடும் அல்லவா?


5. எல்லாவற்றிற்கும் இமெயில் என அலைய
வேண்டாம். ஏனென்றால் இமெயில் என்பது
 உங்கள் நடவடிக்கைகளைப் பதிவு செய்திடும்
ஓர் சாதனமாகும். பின்னர் நான் இதனை
அனுப்பவே இல்லை என்று சாதிக்க முடியாது.


6. தேவையற்ற போது மற்றவர்களின்
 இமெயில் முகவரியை அடுத்தவர் அறியும்
 வகையில் அனுப்ப வேண்டாம். பலர்
தேவையின்றி தங்களின் பிரதாபங்களை
வெளிப்படுத்த தாங்கள் எழுதும் இமெயில்
 கடிதங்களை மற்றவருக்கும் காப்பி(CC மூலம்)
அனுப்பு வார்கள். இதனால் அந்த இன்னொரு
 நபரின் இமெயில் முகவரி மற்றவருக்கும்
 தெரிகிறது. இது தேவயற்ற வகையில்
அனைவருக்கும் தெரியநேர்கையில்
இதனை தவறாகப் பயன்படுத்தும் வாய்ப்புகள்
ஏற்படுகின்றன.


7. உங்களுக்கு வந்த இமெயில் கடிதங்களுக்குப்
பதில் அளிக்க விரும்புகையில் இமெயில்
கிளையண்ட் புரோகிராமில் Reply / Reply All
 என இரண்டு வசதிகள் உண்டு. இதில் எதனைப்
 பயன்படுத்துவது எனச் சிலருக்கு சந்தேகம் உண்டு.
ரிப்ளை ஆல் பட்டனை அழுத்தினால் அந்த
கடிதத்தில் உள்ள அனைத்து இமெயில்
முகவரிகளுக்கும் பதில் போய்ச் சேரும்.
 மெயில் அனுப்பிய வருக்கு மட்டுமே பதில்
 அனுப்ப வேண்டும் எனில் ரிப்ளை பட்டனை
அழுத்தி பதில் கடிதம் எழுதி அனுப்பவும்.


8. ஒரு சிலர் தங்களுக்கு வந்த கடிதங்களை
அவை மற்றவர்களுக்குப் பயன்படுமா என்று
 சரியாக முடிவு செய்திடாமல் தேவையற்ற
வகையில் மற்றவர்களுக்கு பார்வேர்ட்
செய்வார்கள். இந்தப் போக்கு தேவையற்ற ஒன்று.
இதில் பெரும்பாலும் ஸ்பாம் மெயில்களே அதிகம்
பார்வேர்ட் செய்யப்படும். இவ்வாறு தேவையற்ற
பார்வேர்டிங் செய்வது கூடாது. இந்தப் பழக்கமும்
உங்கள் நண்பர்களுடைய இமெயில் முகவரிகளை
 மற்றவர்களிடம் அவசியம் இன்றி கொண்டு சேர்க்கும்.


9. இமெயில்களை, குறிப்பாக முக்கிய இமெயில்களை
 பேக்கப் செய்து வைத்துக் கொள்வது நல்லது. இவையும்
 சில டாகுமெண்ட்களைப் போல முக்கியமானவையே.


10. குறுக்கு வழியில் பணம் கிடைக்கும் என்று
வருகிற இமெயில்களை நம்புவதும், இந்த
இமெயில்களை 45 பேருக்கு அனுப்புவதால்
உங்களுக்குப் புண்ணியம் வந்து சேரும் என்று
கூறும் இமெயில்களை உடனே அழித்துவிடுவதுதான்
நல்லது. எதற்கும் பதில் அனுப்பித்தான் பார்ப்போமே
 என்று அனுப்பினால் அவ்வளவுதான் தொலைந்தீர்கள்.
உங்களுடைய கடைசி பைசா வரை அவர்களின்
பைசாவாகிவிடும்.


11. தேவையற்ற மின் இதழ்களுக்கு சப்ஸ்கிரைப்
செய்திட வேண்டாம். ஒரு சில நிறுவனங்கள் உங்கள்
 விருப்பங்கள், நாடு, மொழி என்று கண்டறிந்து உங்கள்
இமெயில் முகவரியை மற்றவர்களுக்கு
விற்றுவிடுவார்கள். எனவே தேவை என்று உணரும்
 இதழ்களுக்கு மட்டுமே சப்ஸ்கிரைப் செய்திடவும்.
அவற்றிற்கும் கூடுமானவரை இலவச இமெயில்
முகவரிகளைக் கொடுங்கள். பதிவு செய்கையில்
உங்களைப் பற்றிய பெர்சனல் தகவல்களைத் தூண்டி
தூண்டி கேட்கும் தளங்களைச் சந்தேகப்பட்டால்
கற்பனையான தகவல்களைத் தரவும்.


12. பல வேளைகளில் உங்கள் நண்பரின்
 இமெயிலிலிருந்து சில பிஷ்ஷிங் இமெயில்கள்
 வரும். நண்பர் தானே என்று திறந்து அந்த செய்தியில்
கூறியபடி செய்திட வேண்டாம். சில வைரஸ்கள்
 இது போல உங்கள் நண்பரின் கம்ப்யூட்டரில்
 அமர்ந்து கொண்டு அட்ரஸ் புக்கில் முகவரிகளைத்
திருடி உங்கள் நண்பரின் இமெயில் முகவரியிலிருந்து
வருவது போலவே பிஷ்ஷிங் மெயில்களை அனுப்பும்.


13. மிக அதிகமாகக் கவனம் எடுக்க வேண்டியது
 இமெயில் அட்டாச்மெண்ட்கள்தான். முறையாக
ஸ்கேன் செய்திடமால் எந்த அட்டாச்டு பைல்களையும்
திறக்க வேண்டாம்.


14. கூடுமானவரை மற்றவர்களின் கம்ப்யூட்டர்கள்
 வழியாக இமெயில் செக் செய்வதனைத் தவிர்த்திடுங்கள்.
 ஏனென்றால் அந்தக் கம்ப்யூட்டர் பாதுகாப்பானதா
 என்று தெரியாது. அதில் உள்ள பிஷ்ஷிங் புரோகிராம்
வழியாக உங்கள் இமெயில் முகவரியும் மாட்டிக்
கொள்ளும் வேளையும் உண்டு.


15. இமெயிலுக்கான பாஸ்வேர்ட் களை அடுத்தவர்
 அறிந்து கொள்ளாதவண்ணம் அமைத்துக் கொள்ளுங்கள்.
உங்கள் பிறந்த நாள், உங்கள் பட்டப் பெயர், குழந்தைகளின்
 பெயர்கள், அவர்களின் பிறந்த நாள்கள் ஆகியவற்றைத்
தவிர்க்கவும். 


எனது வலைபூவிற்கு வருகை தந்ததிக்கு நன்றி

 பிரியமுடன்
  கருணாகரன் 

டாஸ்க்பாரிலிருந்தே மை கம்ப்யூட்டர்ஸ்:

டாஸ்க்பாரிலிருந்தே மை கம்ப்யூட்டர்ஸ்:  பல புரோகிராம்களை இயக்கும் போது  புரோகிராம்களின் டேப்கள் டாஸ்க் பாரில்  அமர்ந்திருக்கும். அதனைக் கிளிக் செய்து நாம் புரோகிராம்களை இயக்கி பைல்களைக்  கையாளலாம். அதே போல மை கம்ப்யூட்டர்  போல்டரில் உள்ள அனைத்து துணை  போல்டர்களையும் அவற்றின் பைல்களையும் டாஸ்க் பாரில் இருந்தவாறே கையாளலாம்.  அதற்கு விண்டோஸ் எக்ஸ்புளோரர் மூலம் அல்லது மை கம்ப்யூட்டர் ஐகானை அழுத்துவது  மூலம் தான் செல்ல வேண்டும் என்பதில்லை.  இதற்கு டாஸ்க் பாரில் காலியாக உள்ள  இடத்தில் மவுஸின் கர்சரை வைத்து ரைட் கிளிக் செய்திடவும். மெனு ஒன்று விரிந்து மேலே வரும். அதில் டூல் பார் என்பதனைத் தேர்ந்தெடுத்தால்  வரும் பிரிவுகளில் நியூ டூல் பார் என ஒன்று  தென்படும். இதனைத் தேர்ந்தெடுக்கவும்.  இப்போது சிறிய நியூ டூல்பார் என்னும் விண்டோ கிடைக்கும். இந்த விண்டோவில் மை டாகுமெண்ட்ஸ் போல்டருக்குச் சென்று அதனைத் தேர்ந்தெடுத்து ஓகே கிளிக்  செய்திடவும். இனி டாஸ்க் பாரில் வலது  ஓரத்தில் மை டாகுமெண்ட்ஸ் போல்டர் சதுரம் இருக்கும். அதில் உள்ள பைல்களைக்  கையாள நீங்கள் விண்டோஸ் எக்ஸ்புளோரர்  செல்ல வேண்டியதில்லை. இதனைக் கிளிக்  செய்தாலே போதும். மொத்த பைல் மெனுவும்  கிடைக்கும். இந்த வழியினை விண்டோஸ்  விஸ்டா சிஸ்டத்திலும் மேற் கொள்ளலாம்.  விஸ்டாவில் மை டாகுமெண்ட்ஸ் என்பது டாகுமெண்ட்ஸ் என இருக்கும்.  எனது வலைபூவிற்கு வருகை  தந்ததிக்கு நன்றி  பிரியமுடன்   கருணாகரன்

டாஸ்க் பாரை மாற்றி அமைக்க:

டாஸ்க் பாரை மாற்றி அமைக்க:  கம்ப்யூட்டர் பயன்படுத்தும் அனைவரும் டாஸ்க் பாரினைக் கீழாக வைத்திருக்க  எண்ண மாட்டார்கள். ஒரு சிலர் அதனை வலது அல்லது இடது புறமாக நெட்டுவாக்கில் வைத்திருக்க விரும்பலாம். இதனை எப்படி  அமைக்கலாம்? முதலில் டாஸ்க் பார் Lock ஆகியிருக்கிறதா என்று பார்க்கவும்.  செய்யப்பட்டிருந்தால் அதனை Unlock   செய்திட வேண்டும். இதற்கு டாஸ்க்  பாரில் காலியாக உள்ள இடத்தில் ரைட்  கிளிக் செய்து கிடைக்கும் மெனுவில் Lock the Taskbar என்னுமிடத்தில் உள்ள டிக்  அடையாளத்தை எடுத்துவிடவும். இப்போது  மவுஸின் இடது பட்டனைக் கொண்டு டாஸ்க் பாரின் ஏதாவது ஒரு இடத்தில் கிளிக் செய்தபடி பட்டனை விடாமல் இழுக்கவும். டாஸ்க் பார் உயர்ந்து வரும்.  விரும்பும் இடத்தில் அதனை அமைத்து பட்டனை விட்டுவிடவும். பின் டாஸ்க்  பாரின் அகலத்தை அட்ஜஸ்ட்  செய்திடலாம். நீங்கள் விரும்பும்  இடத்தில் விரும்பும் வகையில் அமைந்துவிட்ட பின் மீண்டும் காலியாக உள்ள இடத்தில் ரைட் கிளிக் செய்து  டாஸ்க் பாரினை லாக் செய்திடவும். எனது வலைபூவிற்கு வருகை தந்ததிக்கு நன்றி பிரியமுடன்  கருணாகரன்

படங்களை மொத்தமாகச் சுழற்ற:

படங்களை மொத்தமாகச் சுழற்ற:   டிஜிட்டல் கேமரா அல்லது மெமரி கார்டுகளிலிருந்து போட்டோக்களை  கம்ப்யூட்டருக்கு மாற்றுகையில் நெட்டு  வாக்கில் எடுத்த படங்கள் படுக்கை  வாக்கான நிலையில் தெரியும். இதனை  நேராக அமைக்க வேண்டும் என்றால் ஒவ்வொன்றாகத் திறந்து Rotate என்னும்  வசதியைப் பயன்படுத்தி அமைக்க வேண்டும்.  இதற்குப் பதிலாக சுழற்ற வேண்டிய படங்கள்  அனைத்தையும் மொத்தமாக சுழற்றி அமைத்திட முடியும். போட்டோக்களை  கம்ப்யூட்டருக்கு காப்பி செய்தவுடன் அவை உள்ள போல்டருக்குச் செல்லவும்.

போல்டரைத் திறந்து படங்களுக்கான
 Thumbnails எனப்படும் சிறிய படங்கள்
கிடைக்கும் படி திறந்து கொள்ளவும்.
 இந்த தம்ப் நெய்ல் படங்கள் கிடைக்க
 வேண்டும் எனில் மெனு பாரில் View
வில் கிளிக் செய்து கிடைக்கும் மெனு
 கட்டத்தில் கூட Thumbnails என்னும்
 பிரிவில் கிளிக் செய்தால் போட்டோக்களின்
 சிறிய உருவங்கள் பைல்களின்
பெயர்களுக்கு மேலாகத் தெரியும்.
 இப்போது Ctrl  கீயை அழுத்திக்
கொண்டு எந்த போட்டோக்களை
சுழற்ற வேண்டுமோ அதன் மீது
 ஒவ்வொன்றாக இடது மவுஸ்
பட்டனால் கிளிக் செய்திடவும்.
 இப்போது சுழற்ற வேண்டிய
போட்டோக்கள் அனைத்தும் செலக்ட்
 செய்யப்பட்டுவிடும். இனி ஏதாவது
ஒரு படத்தின் மீது ரைட் கிளிக்
 செய்யவும். கிடைக்கும் மெனுவில்
Rotate Clockwise என்பதில் கிளிக்
 செய்தால் விண்டோஸ் உங்களுக்காக
 இந்த படங்களைச் சுழற்றிக் கொடுக்கும்.
 இந்த வசதி விண்டோஸ்
எக்ஸ்பியில் உள்ளது.

 எனது வலைபூவிற்கு வருகை
தந்ததிக்கு நன்றி
பிரியமுடன்
 கருணாகரன்  
 

இணைய தளத்திற்கான ஷார்ட் கட்

இணைய தளத்திற்கான ஷார்ட் கட்   உங்களுக்குப் பிடித்த இணைய  தளங்களுக்கு ஷார்ட் கட் ஐகான்  இருந்து அவற்றைக் கிளிக் செய் தால்  நேரடியாக நீங்கள் அந்த தளத்திற்குச்  சென் றால் எப்படி இருக்கும்? அப்படிச்  செய்ய முடியுமா? முடியும். இன்டர்நெட் எக்ஸ்ப்ளோரர் தொகுப் பில் உங்களுக்குப் பிடித்த இணைய தளத்தைப் பார்க்கையில் தளத்தின் முகவரிக்கு அருகே சிறிய ஆங்கில எழுத்தான  “e” இருக்கும் அல்லவா?  இப்போது உங்கள் பிரவுசர் விண்டோவைச் சிறிய தாக்கி அதன் பின் அந்த சிறிய  “e” எழுத்து உள்ள கட்டத்தை இழுத்து வந்து டெஸ்க்டாப்பில் உள்ள காலியிடத்தில் விட்டு விட்டால் அதுதான் உங்களுக்குப் பிடித்த தளத்தின்  ஷார்ட்கட். இந்த ஐகான்களின் மீது கிளிக் செய்தால் பிரவுசர் திறக்கப்பட்டு நீங்கள்  தளத்திற்கு அழைத்துச் செல்லப்படுவீர்கள். எனது வலைபூவிற்கு வருகை தந்ததிக்கு நன்றி பிரியமுடன்  கருணாகரன்

கம்ப்யூட்டரில வேலை பார்த்துக் கொண்டிருக் கையில் முதல் தேவை பொறுமை

கம்ப்யூட்டரில வேலை பார்த்துக் கொண்டிருக் கையில் முதல் தேவை பொறுமை   கம்ப்யூட்டரில் மிகவும் பிஸியாக வேலை பார்த்துக் கொண்டிருக் கையில்  திடீரென அது சண்டித்தனம் செய்திடும்.  நகராத குதிரை மாதிரி அப்படியே திரையில் ஒரே விஷயத்தைக் காட்டிக் கொண்டு உயிரற்று இருக்கும். மவுஸ் வேலை செய்யாது.  கீ போர்டை என்ன தட்டு தட்டினாலும் ஒன்றும்  நடக்காது. ஆனால் நமக்கு பொறுமை போய்  எரிச்சல் வரும். ஒரு சிலருக்கு பிளட் பிரஷர்  ஏறும். ஐயோ இன்று இந்த வேலையை முடிக்க வேண்டும் என்று திட்டமிட்டேனே. இப்படி காலை வாருகிறதே என்று கத்த தோன்றும். சரி எப்படி பிரச்னையைத் தீர்க்கலாம். பிரச்னைகளை வெற்றிகரமாகத் தீர்க்க முதலில் நமக்கு வேண்டியது சரியான அமைதியான மனநிலை. மனது இருக்கும்  நிலைதான் நமக்கு நிமிடங்களையும் நாட்களையும் காட்டும். அது சரியாக இருந்தால்தான் சிறிய பிரச்னை பெரிதாக ஆகவிடாமல் தடுக்கும். எனவே கம்ப்யூட்டரில் பிரச்னை ஏற்படும்போது நாம் மேற்கொள்ள  வேண்டிய நிலை குறித்து கீழே சில  வழிமுறைகள் தரப்பட்டுள்ளன. 1. கம்ப்யூட்டரில் பிரச்னையா? உடனே பதற்றம் கொள்ளாதீர்கள். உடனே கம்ப்யூட்டர்  இயக்கத்தை நிறுத்தி விட்டு அமைதியாக  அமர்ந்துவிட்டு பின் பிரச்னை குறித்து  யோசியுங்கள். என்ன சார் இது? ஒரு  வேலையை முடித்து அனுப்ப வேண்டும்.  கையைக் கட்டிக் கொண்டு உட்காரச் சொல்கிறீர்களே என்று புலம்பு கிறீர்களா?  நீங்கள் சொல்லுவதும் சரி தான். ஆனால் ஒரு சில நிமிடங்கள் அமைதியாய் இருப்பது  நல்லது. முடிந்தால் அமைதியாக இருப்பது மட்டுமின்றி ஆழமாக சில நிமிடங்கள்  மூச்சுவிட்டு தேற்றிக் கொள்ளுங்கள்.   2. பிரச்னை ஒன்றும் அவ்வளவு பெரிதாக  இருக்காது. சில வேளைகளில் ஹார்ட் டிஸ்க் கிராஷ் ஆகி நம் டேட்டா அனைத்தும் இழப்பது நடக்கத்தான் செய்கிறது. ஆனால் அதுதான் எப்போதும் நடக்கும் என்று எண்ணாதீர்கள். ஒரு பிரச்னை முதலில் ஏற்படுகையில் அது எப்படிப்பட்டது என்று தீர்மானிப்பது மிகவும் சிரமமான காரியமாகும். எனவே எந்த சூழ்நிலையில் அந்த பிரச்னை ஏற்பட்டது என எண்ணிப் பார்ப்பது நமக்கு தெளிவான முடிவைக் கொடுக்கும். 3. பிரச்னை என்னவென்று உணராமல் அது குறித்த முடிவுகளை எடுக்க வேண்டாம்.  ஒவ்வொரு கோணத்திலும் பிரச்னை குறித்து எண்ணிப் பார்க்கவும். ஏதாவது ஒரு செட்டிங்கை  மாற்றி அமைப்பதன் மூலம் பிரச்னையைத் தீர்த்து விடலாம். எனவே உடனே ஹார்ட் டிஸ்க்கை ரீ பார்மட் செய்திட  முடிவெடுக்க வேண்டாம்.   4. முதலில் அனைத்து வழிகள் குறித்தும் எண்ணிப் பார்க்கவும். அண்மையில் கம்ப்யூட்டரில் நீங்கள் ஏற்படுத்திய மாற்றங்களை எண்ணிப் பார்க்கவும்.  எந்த சாப்ட்வேர் தொகுப்பையாவது வேண்டாம் என்று நீக்கினீர்களா? அல்லது எதனையாவது புதியதாக கம்ப்யூட்டரில் இணைத்தீர்களா? அல்லது ஏதாவது ஒரு  ஹார்ட்வேர் சாதனத்தை இணைத்துள்ளீர்களா?  பிரிண்டர், ஸ்கேனர், விடியோ கேமரா அல்லது  வேறு ஏதாவது சேர்த்தீர்களா? அல்லது உங்களுக்கு வந்துள்ள மின்னஞ் சலுடன் இருந்த இணைப்பு கோப்பைத் திறந்து  பார்த்தீர்களா? அல்லது இணையத்திலிருந்து ஏதேனும் பைல் ஒன்றை இறக்கிப் பதிந்தீர்களா?  இவற்றில் ஏதேனும் ஒரு செயல் உங்கள் கம்ப்யூட்டர் இயக்கத்தில் ஒரு சாதாரண பிரச்னையை ஏற்படுத்தியிருக்கலாம். 5. உங்களுக்கு நேரம் கிடைக்கையில் கம்ப்யூட்டர் பிரச்னை குறித்து செயல்படவும்.  ஆனால் சாப்பிட 10 நிமிடம் இருக்கையில் இந்த பிரச்னையெல்லாம் எடுத்துக் கொள்ள வேண்டாம். அமைதியான மன நிலையில் பிரச்னைக்கு செலவழிக்க நிறைய நேரம் இருக்கும்  போது பிரச்னைக்குத் தீர்வு காண முயற்சிக்கவும்.   6. உங்களுடைய கம்ப்யூட்டரின் ஹார்ட்வேர் சரியில்லை என்று உடனே குற்றம் சாட்டாதீர்கள்.  ஒரு சிலர் கீ போர்டையெல்லாம் எடுத்து அறையில் எறிவார்கள். தேவையா? அல்லது மானிட்டரை தட்டுவார்கள். இது பிரச்னையைப்  பெருக்கத் தான் செய்திடும். அதே போல பிரிண்டர் வேலை செய்யவில்லை என்றால் அதனைத் தூக்கி தட்டாமாலை சுற்றுவோரும் உண்டு.  பேப்பர் ஜாம் ஆனால் இருக்கிற ரோலரை எல்லாம் பிய்த்து எறிபவர்களும் உண்டு.  இதனையெல்லாம் செய்வதெல்லாம் எந்த பயனும் உண்டாவதில்லை. 7. கம்ப்யூட்டர் பிரச்னையைத் தீர்க்க உட்கார்ந்து  பல நிமிடங்கள் அல்லது மணி ஆன பின்னரும்  பிரச்னை தீரவில்லையா? சிறிது ஓய்வெடுத்துக்  கொள்ளுங்கள். மனதின் இறுக்கத்தைத் தளரச் செய்திடும் வேலையில் ஈடுபட்ட பின்னர் மீண்டும் கம்ப்யூட்டருக்கு வாருங்கள். 8. கம்ப்யூட்டரைப் பொறுத்த மட்டில் எல்லாம்  தெரிந்தவர் யாருமில்லை. எனவே உங்கள் பிரச்னை குறித்து மற்றவர்களிடம் விவாதிக்கக் கூச்சப்பட வேண்டாம். கம்ப்யூட்டர் பிரச்னை குறித்து தெரிந்த உங்கள் நண்பரை அழையுங்கள். பிரச்னை ஏற்பட்ட விதம் குறித்து கலந்தாய்வு  செய்திடுங்கள். கம்ப்யூட்டர் டிப்ஸ் தரும் இணைய தளங்களுக்குச் சென்று அங்கு பிரச்னைகளுக்குத் தீர்வு தரும் தகவல்களை ஆழ்ந்து படியுங்கள். அல்லது மெசேஜ் போர்டு மின்னஞ்சல் குழுக்களுக்கு பிரச்னை குறித்து  தகவல்கள் அனுப்பி உதவி கேளுங்கள்.  ஆனால் அனைத்திற்கும் உங்கள் மனநிலை  சரியாக இருப்பது மிக மிக அவசியமான ஒன்று.  அப்படி இருந்தால் நிச்சயமாய் பிரச்னையின் காரணத்தைத் தெரிந்து கொண்டு அதனைத்  தீர்த்துவிடலாம். எனது வலைபூவிற்கு வருகை தந்ததிக்கு நன்றி பிரியமுடன்  கருணாகரன்

குழந்தை வளர்ப்பிற்கு ஒரு வெப்சைட்

குழந்தை வளர்ப்பிற்கு ஒரு வெப்சைட் நம் வாழ்வில் நாம் மகிழ்ச்சியாகக் கழிக்கும் தினங் கள் நம் குழந்தை  வளர் வதைப் பார்த்து சந்தோஷப்படும்  நாட்களே. குழந்தைக்கு உடல் நலத்திற்கு  ஏதேனும் பாதிப்பு வந்தால் துடித்துப்  போகிறோம். உடனே எத்தனை வழிகளில்  மருத்துவம் உள்ளதோ அனைத் தையும் பார்க்கிறோம். உடல் நலம் சரியாகும் வரை சரியாக நாம் சாப்பிடாமல் தூங்காமல் நம் உடல் நலத்தைப்  பாழாக்கு கிறோம். இதனை உணர்ந்தே பெற்றோர்களுக்கு குழந்தையின் உடல் நலம் குறித்துச் சொல்லும் இணைய தளங்கள் பல உள்ளன. அவற்றில் சிறந்த ஒன்றை  காண நேர்ந்தது.  இதன் முகவரி http://kidshealth. org/   இந்த தளம் மூன்று பிரிவுகளாகப் பிரிக்கப் பட்டுள்ளது. பெற்றோர், குழந்தை மற்றும் இளம் வயது.

முதல் பிரிவில் குழந்தை பிறப்பு
 மற்றும் வளர்ப்பு குறித்து பல
பிரிவுகள் உள்ளன. பொதுவான
 உடல்நலம், நோய் பற்றுதல்,
 உணர்ச்சிகளும் செயல்பாடுகளும்,
 வளர்ச்சியும் முன்னேற்றமும்,
சத்தான உணவு மற்றும் பொருந்திய நலம்,
 கர்ப்ப காலம் மற்றும் புதிய பிறப்பு,
மருத்துவ பிரச்னைகள், நல்ல பெற்றோர்கள்,
 முதல் உதவி மற்றும் பாதுகாப்பு, மருத்து
 வர்களும் மருத்துவ மனைகளும், செய்தி
மற்றும் தகவல்கள். இதில் தினந்தோறும்
கேள்வி பதில் பிரிவுகளும் உள்ளன.
அடுத்ததாக சிறு குழந்தைகள் பிரிவில்
 அவர்கள் வளரும் ஒவ்வொரு
 சூழ்நிலைக்கேற்ப பல பிரிவுகள்
தரப்பட்டுள்ளன. உடல்நலத்தைப்
பேணுவது, உணவு வகை, ஒவ்வொரு
நாளும் வரக்கூடிய உடல் நலப்
பிரச் னைகள், மருத்துவ துறைக்கான
சொற்கள், வளரும் நிலையில் வரக்கூடிய
நோய்கள் என்ற பிரிவுகளில் நிறைய
தகவல்கள் தரப்பட்டுள்ளன. இளம்
வயது என்ற பிரிவில் எண்ணங்கள்,
உடல் போக்கு, நலமான பாலியியல்,
சரியான உணவு, மருந்து மற்றும்
, நோய்கள், தொற்று நோய்கள் மற்றும்
சரியான பள்ளிகள் எனப் பல பிரிவுகளில்
 தகவல்கள் கிடைக்கின்றன. பல தலைப்பு
 களில் கட்டுரைகளும் இடம் பெற்றுள்ளன.
 குழந்தை வளர்ப்பு பற்றி அறிய விரும்பு
வோருக்கான அருமையான தளம் இது.


http://kidshealth.org/ 
 

kPz;Lk; re;jpg;Nghk;

gphpaKld; fUzhfud;.

பாஸ்வேர்ட் மறக்காமல் இருக்க

பாஸ்வேர்ட் மறக்காமல் இருக்க இன்டர்நெட் பிரவுசிங் செய்ய ஆசைப்பட்டு  லாக் இன் செய்திட முயற்சிக்கையில் Your Password or Username is Invalid. Please Try Again  என்ற செய்தி வந்து நம் ஆசைத்தீயில் தண்ணீரை  ஊற்றிவிடும். “அய்யோ! சரியாகத்தானே யூசர் நேம்  மற்றும் பாஸ் வேர்டையும் அடித்தோம் என்னவாயிற்று?” என்ற பதற்றம் பற்றிக் கொள்ளும் . அந்த பதற்றத்திலேயே இன்னும் பல தவறுகளைச் செய்திடத் தொடங்குவோம். இன்டர்நெட் இணைப்பிற்காவது பரவாயில்லை;  ட்ரெயின் டிக்கெட், பேங்க் அக்கவுண்ட் கையாளுதல்,  ஆன்லைனில் பொருட்கள் வாங்குதல் போன்றவற்றில் ஈடுபடுகையில் இந்த பிரச்னை வந்தால் நம்  ரத்த அழுத்தம் இன்னும் எகிறும்,இல்லையா?  இந்த சூழ்நிலைக்கு நாம் தான் காரணம். எனவே  இது போல லாக் இன் செய்திடுகையில் செய்யக்  கூடாதவற்றையும் செய்ய வேண்டியவற்றையும் இங்கு காணலாம். செய்யக் கூடாதவை: 1. லாக் இன் செய்திடுகையில் ஓகே அல்லது சப்மிட் பட்டனை ஒரு முறை மட்டுமே தட்டவும். 2.தட்டிய பின் மேற்கொண்டு எதுவும்  செய்திடாமல் இருக்கவும். வேறு புரோகிராம்களுக்கான எந்தவிதமான  செயல்பாடுகளையும் மேற்கொள்ளாமல்  இருப்பது நல்லது. 3.மவுஸைத் தட்டாமல் அல்லது அதைக்  கொண்டு வேறு எதுவும் செய்யாமல் இருப்பது  நல்லது. சிஸ்டம் உங்களை லாக் இன்  செய்திடும் வரை பொறுமை காப்பது நல்லது.  ஏதாவது செய்தால் நீங்கள் இன்டர்நெட்டிலிருந்து  வெளியே தள்ளப்படலாம். 4. வேறு ஸ்கிரீன், வேறு புரோகிராம், வேறு மெனு  என்று எதற்கும் செல்ல வேண்டாம். 5. ஏற்கனவே இருக்கும் புரோகிராம் மட்டுமின்றி புதிய புரோகிராம் எதனையும் திறக்கும் முயற்சியிலும்  ஈடுபட வேண்டாம். 6. உங்கள் பாஸ்வேர்ட் அல்லது யூசர் நேம் எதனையும் காப்பி செய்து பேஸ்ட் செய்திடும்  செயலை அறவே நிறுத்துங்கள். எத்தனை முறை அவற்றை டைப் செய்திட  வேண்டியது இருந்தாலும் டைப் மட்டுமே செய்திடவும். செய்ய வேண்டியவை: 1. இன்டர்நெட்டில் அல்லது அதன்  ஒரு தளத்தில் லாக் இன்  செய்திடுகையில் இயங்கும் புரோகிராம்  எண்ணிக்கையை கூடுமான அளவு குறைவாகவே இருக்கட்டும். நிறைய புரோகிராம்கள் இருப்பது உங்கள் இன்டர்நெட் லாக் இன் செயலில் நிறைய குறுக்கீடுகளை ஏற்படுத்தும்.  குறிப்பாக உங்கள் ராம் மெமரி  குறைவான அளவில் இருந்தால்  இன்னும் பல சிக்கல்கள் ஏற்படலாம். 2. பென் டிரைவ் போன்ற சாதனங்களை  இணைத்தல், மியூசிக் புரோகிராம்களை தொடங்குதல் போன்றவற்றை நீங்கள் லாக் இன் செய்திடும் வரை ஒத்தி போடவும். 3. லாக் இன் செய்திடுகையில் முற்றுப்  புள்ளி கீயினைப் பயன்படுத்தும் இடத்தில்  கமா புள்ளியைப் பயன்படுத்தவில்லை என்பதனை உறுதிப் படுத்திக் கொள்ளவும்.  அதே போல பலரும் என் மற்றும் எம்  கீகளை மாற்றி அமைத்து டைப் செய்வார்கள்.   . இது ஒரு மிகச் சிறிய தவறு தான் என்றாலும் நம் பணியைக் கெடுத்துவிடும் அல்லவா? 4. யூசர் நேம் டைப் செய்கையில் ட்ராப்  பாக்ஸ் என்னும் விரியும் மெனு வசதி இருந்தால் ஏற்கனவே சரியான முறையில் டைப் செய்து லாக் இன் செய்தததைத்  தேர்ந்தெடுத்து அமைத்திடவும். இது பிழைகளைத் தவிர்க்கும். 5. அடுத்த அடுத்த கட்டங்களுக்குச் செல்ல மவுஸ் கர்சரைப் பயன்படுத்தவும்.  டேப் கீயைப் பயன்படுத்த வேண்டாம். 6. எப்போதும் கீ போர்டில் உள்ள கேப்ஸ்  லாக் கீ இயக்கப்படவில்லை என்பதனை  லாக் இன் செய்திடும் முன் உறுதி செய்து  கொள்ளுங்கள். பொதுவாக பெரும்பாலான லாக் இன் அக்கவுண்ட்கள் சிறிய பெரிய  எழுத்துக்கேற்றபடி வேறுபடும். எனவே  சரியான முறையில் நீங்கள் எழுத்துக்களை டைப் செய்திடுகிறீர்கள் என்பதனை உறுதி  செய்திடவும். மேற்சொன்ன அனைத்து பாதுகாப்பு வழிகளையும் நீங்கள் பின்பற்றிய பின்னாலும் உங்களால் லாக் இன் செய்திட முடியவில்லை. இந்த கட்டுரையின்  முதல் பாராவில் குறிப்பிட்ட பிழைச்  செய்திதான் வருகிறது என்றால் லாக் இன்  செய்திடும் முயற்சியை அப்போதைக்குக் கைவிட்டு விட்டு பின் சிறிது நேரம் கழித்து மேற்கொள்ளவும். அல்லது கம்ப்யூட்டரை ஒரு முறை ரீ ஸ்டார்ட் செய்து பின்  லாக் இன் செய்திடவும். kPz;Lk; re;jpg;Nghk; gphpaKld; fUzhfud;.

மைக்ரோசாப்ட் - பெயிண்ட் புரோகிராம்

மைக்ரோசாப்ட் - பெயிண்ட் புரோகிராம் மைக்ரோசாப்ட் விண்டோஸ் தொகுப்புடன் இணைந்து தரப்படும் எம்.எஸ்.பெயிண்ட்  புரோகிராம் சிறுவர்களும் பெரியவர் களும் மகிழ்ச்சியாகப் பயன்படுத்தும் புரோகிராம் ஆகும். நம் இஷ்டப்படி, கற்பனைப்படி பெயிண்டிங்,  படங்களை எடிட் செய்தல் என படம் சம்பந்தமான  அனைத்து வேலைகளையும் இதில் மனதிற்கு  திருப்தி ஏற்படும் வகையில் மேற்கொள்ளலாம்.  .  எம்.எஸ்.பெயிண்ட் என்பது இலவசமாகத் தரப்படும் கிராபிக்ஸ் புரோகிராம் ஆகும்.  படங்களை எடிட் செய்திட, அளவை மாற்றிட,  பெரிதாக் கிப் பார்க்க, படத்தில் டெக்ஸ்ட்  அமைக்க, சிறிய சிறிய அளவுகளில் விரும்பும்  உருவத்தை அமைக்க, அமைத்த உருவங்களில்  வண்ணத்தைப் பூசிப் பார்த்து மகிழ என படம் சம்பந்தமான எத்தனையோ வேலைகளை இதில் மேற்கொள்ளலாம். படங்களின்  பார்மட்டுகளை இதன் மூலம் மாற்றவும் முடியும். இதனை இயக்க Start menu -  All - Programs  Accessories- Paint எனச் செல்லவும்.   பெயிண்ட் புரோகிராம் திறக்கப்பட்டவுடன் மேலாகவும் இடது புறமாகவும் மற்றும்  கீழாகவும் பல டூல் பார்கள் இருப்பதனைக் காணலாம். இவை எல்லாம் படங்களைக்  கையாள நாம் பயன்படுத்தலாம். இவற்றை  உங்களால் பார்க்க முடியவில்லை என்றால்  View மெனு சென்று Tool Box, Color Box மற்றும் Status Bar அனைத்தும் டிக் செய்யப்பட்டிருக்கிறதா  எனப் பார்க்கவும். இல்லை என்றால் டிக் அடையாளத்தை  ஏற்படுத்தவும். அனைத்து டூல் பார்களும் உங்களுக்குக் கிடைக்கும். இந்த டூல் பார்கள்  எதற்கு என்று தெரிய வேண் டும் என்றால் அந்த ஐகானில் மவுஸின் கர்சரை சிறிது நேரம் வைத்தால் அதன் வேலை என்ன என்று காட்டப்படும். அடுத்து புதிய படம் ஒன்றை எப்படி  வரைவது எனப் பார்ப்போம். File - New என்பதைக் கிளிக் செய்திடவும். படம் வரைவதற்கான கேன்வாஸ் அகலம் நீளம் உங்களுக்கு போதாது என்று எண்ணுகிறீர்களா?  Image- Attributes  செல்லவும். இதில் உங்கள் கேன்வாஸின்  அளவை நீட்டிக்கலாம்; சுருக்கலாம். கீழேயிருக்கும் கலர் பாக்ஸில் ஏதேனும் ஒரு கலரைத் தேர்ந்தெடுத்துக் கொள்ளுங்கள்.  இனி நீங்கள் படம் ஒன்றை வரையலாம். இடது பக்கம் இருக்கும் டூல் பாக்ஸ் உங்களுக்கு படம் வரைய அனைத்து வகைகளிலும் உதவும். எடுத்துக் காட்டாக உங்கள் படத்தில் சிறிய செவ்வகக் கட்டம் வேண்டுமா? Rectangle tool என்னும் டூலைத்  தேர்ந்தெடுத்து கேன்வாஸில் மவுஸால் இழுத்தால் ஒரு செவ்வகக் கட்டம் கிடைக்கும்.  இது நீங்கள் ஏற்கனவே தேர்ந்தெடுத்த கலரில் கிடைக்கும். இனி இன் னொரு வண்ணத்தைத் தேர்ந் தெடுத்து பின் Fill With Colour பட்டனைத் தேர்ந்தெடுங்கள். இனி நீங்கள் ஏற்கனவே வரைந்த கட்டத் தில் எங்கு வேண்டு மானாலும்  மவுஸால் கிளிக் செய்திடுங்கள்.  தேர்ந்தெடுத்த வண்ணத்தால் கட்டம்  நிறைவடையும். இதே போல இடது பக்கம் உள்ள டூல் பாக்ஸில் கிடைக்கும் கோடு, வளை கோடு, வளைவு உள்ள செவ்வகம் என அனைத்து டூல்களையும்  பரிசோதித்து பார்த்து தேவையான சாதனத்தைப் பயன்படுத்தி படம்  வரையுங்கள். தவறாக ஏதேனும் செய்துவிட்டால் எரேசர் என்னும் அழி ரப்பர் படத்தை ஒரு முறை கிளிக்  செய்துவிட்டு நீக்க வேண் டியதை நீக்கி விடலாம். அப்படியா! என்று  ஆச்சரியப் படாதீர்கள். செய்து பாருங்கள். படம் வரைந்தாயிற்றா! இந்த படத்தில் ஒரு  குறிப்பிட்ட இடம் மட்டும் நன்றாக  வந்திருக்கிறது என்று அபிப்பிராயப்படுகிறீர்களா!  அதனை மட்டும் காப்பி செய்து இன்னொரு  கேன்வாஸ் திறந்து ஒரு படமாக அமைக்கலாம். ஏற்கனவே உள்ள படத்தை  எப்படி திருத்துவது? போட் டோக் கள், படங்கள் என ஏற்கனவே உருவான படங்களை  இந்த புரோகி ராமைப் பயன்படுத்தி திருத்தலாம்.  ஒருவரின் தலைமுடியை நரைத்த முடியாக மாற்றலாம். அவருக்கு கண்ணாடி மாட்டலாம். மீசை வைக்கலாம். இது போல வேடிக் கையான செயல்களையும் சீரிய ஸான செயல் களையும்  இதில் மேற்கொள்ளலாம். ஏற்கனவே உள்ள பட  பைலை இதில் திறக்க File- Open என்ற மெனு மூலம் அந்த படம் உள்ள டைரக்டரி சென்று பட பைலின் பெயர் மீதுகிளிக் செய்து இங்கு திறக் கலாம்.   படத்தின் அமைப் பை மாற்ற Image > Stretch/Skew என்பதைப் பயன் படுத்தலாம்.   Image மெனு வில் Flip/Rotate பயன் படுத்தி படங்களைச் சுழட்டலாம். உங்களின் விருப்பப்படி  படத் தை அமைத்துவிட்டீர்களா? சேவ் கட்டளை  மூலம் படத்தை சேவ் செய்திடுங்கள். சேவ்  செய் திடுகை யில் படத்தை எந்த பார்மட்டில்  சேவ் செய்திட வேண்டும் என்பத னை முடிவு செய்து அந்த பார் மட்டைத் (.BMP, .JPEG, அல்லது  .GIF) தேர்ந்தெ டுத்து சேவ் செய்திடுங்கள்.  பின் இதனை பிரிண்ட் செய்திட வேண்டு மென்றால் வழக்கம்போல் பிரிண்ட் செய்திடலாம்.  அதற்கு முன் பிரிண்ட் பிரிவியூ மூலம் படம் எப் படி அச்சில் கிடைக்கும் என்பத னையும் பார்த்துக் கொள்ளலாம். kPz;Lk; re;jpg;Nghk; gphpaKld; fUzhfud;.